最近疫症肆虐，李司棋竟然出trip，月初时相约10几个圈外老友去咗大马豪饮豪食5天，日日团体聚餐食好西，因为食咗唔少补嘢，回港后开始有几声咳，为免引来恐慌，司棋姐即自我隔离，留喺屋企做「宅女」，煲剧过日晨。她又强调，就算喺疫情下同朋友聚餐都会保持清洁卫生，多年来习惯用公筷。採访：方骞平

 

大马之行喺两个月前开始筹备，当时疫情未算严重，沐鸣手机app直至出发前愈演愈烈，「当时大家心情都有啲乱，但既然决定咗就去啦，无谓大家扫兴。今次我哋去咗马六甲，呢度10几年前曾经去过，对呢个小城风光留下好好印象，今次重游旧地变化好大，最正係欣赏一个讲郑和遗蹟故事嘅舞蹈表演，听闻疫前一票难求。不过，当地人冇乜带口罩，反而我哋喺人多嘅场所都有戴。今次包咗部中型巴士，请埋导游带队周围玩，只係问咗句『有冇口罩呀？』导游就扑到畀我哋，照顾周到。而且当地有朋友招呼，变咗好食好住，食咗好多鲍参翅肚，至爱榴槤、仲有名贵吉利鱼等。」问她可有担心团体聚餐容易演变成「病毒派对」？她说：「我哋有用公筷，都OK嘅，成班团友梗係会一齐食饭，冇理由捧住个餐坐开食嘛！但返嚟一定少咗聚餐，更何况向来我食得补嘢多，係会有啲咳，为己为人做宅女好过。」

 

司棋姐都好期望疫情尽快减退：「虽然妹妹同家中佣人都好醒目咁帮我准备米粮、厕纸、口罩等物资，沐鸣手机版下载唔使我返嚟要周围扑，但我喺佛山、中山都有物业，每3个月要上去出粮畀看屋嘅佣工，而且我都好耐冇去睇吓间屋，祈求疫情唔好再持续，病毒继续係咁传来传去，咁搞法一壳眼泪。」