因「咸猪嘴」事件，传洪永城（Tony）同朱晨丽擘晒面，所以年底开拍《多功能老婆》续集两人无望再合作！虽然是非缠身，但日前洪永城跟郑俊弘(Fred)及罗仲谦等拍方骏钊监製嘅新剧《陀枪师姐2020》时就满场飞好风骚，始终男人戏，冇咁多顾忌！但一提到朱晨丽个名Tony就收晒笑容，眉头紧皱话：「No Comment，大家都要大方啲，件事快啲过咗去就算。」採访：方骞平 摄影：李维隆

 

有传朱晨丽不满洪永城拍摄剧集《多功能老婆》临时加揽啜戏，有指Tony反嬲爆朱朱小题大做，两人势成水火，续集有你冇我！好彩Tony喺新剧《陀枪师姐2020》中同邓佩仪冇咀戏，唔使烦，而且剧中讲他同郑俊弘争做社团大佬，戏份好重兼且好有发挥。所以日前他风骚地回归剧组，喺寿臣山深水湾径一间餐厅内，同黑帮头目郑俊弘、黑帮手下罗仲谦及警长李成昌等全男班拍一场黑社会讲数戏，戏内的Tony一脸严肃，戏外笑晒口，同演员嘻嘻哈哈，有讲有笑，Tony见大家咁欢喜，仲「万岁」鱼蛋及蛋挞请剧组食Tea！连准备上车走人，沐鸣安卓版APP下载赶返屋企慰妻嘅谦谦都返转头，攞返个蛋挞先闪。

 

问到拍男人戏冇乜顾忌，係咪开心啲？Tony笑说：「其实係男係女，每日拍嘢都开心嘅，因为个景问题，之前休息咗两星期，虽然有得唞吓，但我觉得咁样反而唔好，好似部机器挞着咗又停返落嚟，喺屋企又好闷，好妒忌其他演员有工开，不时追问佢哋拍成点，讲啲经历嚟听吓？所以寻晚有啲紧张，几乎瞓唔着，嚟紧有几场重要戏，好期待，好玩呀。」见他满场飞，心情係咪冇受是非影响？他说：「今日好开心，好挂住剧组，所以万岁埋。」

 

多跟对手沟通

 

提到同朱朱擘面事件，洪永城即收起笑容，眉头紧皱煞有介事话No Comment：「我想完结咗件事，唔想再谈论，过咗去就算！ (係咪做男人要大方啲？)希望大家都大方啦，唔係淨係男士嘅，女士都要大方，大家都要大方。」问到下次同女演员拍感情戏，沟通方面会否做多少少，以免再有误会？Tony即答，「建议好好，下次再谨慎啲去沟通，或者有任何肢体上合作，再特别留意多啲，就算呢套剧冇太多感情戏，但将来都冇得避免，都係做返自己要做嘅工作囉。」他直言想拍《多功能老婆》续集，但会唔会同朱晨丽合作做返两公婆，一切交由公司安排，他强调：「同佢係工作伙伴及同事，我冇要求唔同佢合作，公司要我哋合作都要合作㗎啦，大家努力工作做个好同事，冇问题。」

 

另外，罗仲谦上周首度公开BB性别，但之前他接受本报访问时，已口快快暗示杨怡陀B女。问到恨生女的谦谦如愿以偿係咪特别兴奋？他说：「生仔生女都一样开心，不过身边朋友话生女更加开心，因为『前世情人』第时会黐住爸爸，会争宠，做爸爸会好有成功感！」他又笑言