已故富豪霍英东的长孙、霍英东集团副总裁及全国政协委员的霍启刚（Kenneth），虽然身家逾百亿，但一向出名低调，跟太太郭晶晶不论食嘅、用嘅都好朴素，一直教仔女学懂珍惜，所以Family day都要求小朋友洗车赚零用钱，仲去农村学插秧体验生活，等子女明白咩叫粒粒皆辛苦，难怪两人被外界誉为「豪门清泉」！上周四（25日），爱锡老婆的Kenneth陪郭晶晶到寓所附近买外卖，之后仲做「跟得老公」陪逛超市，原来霍生係暖男嚟嘅。採访：张咏森

 

近月霍启刚喺社交平台好活跃，沐鸣安卓版APP下载除了频频Po家庭照及工作侧拍外，本月初仲开始拍片做KOL，早前他就同网民大玩「你问我答」，并大方分享夫妻相处之道。提到刚「大步槛过」7年之痒，今年11月便踏入结婚8周年，已有3个仔女的Kenneth坦言有了小朋友后，两公婆焦点必定会落在子女身上，但为了保持婚姻新鲜感， 他一星期至少会约太太郭晶晶出街睇一次戏，二人间中也会去个短Trip，享受二人世界。事实上，私下Kenneth都好黐老婆，一得閒就会同郭晶晶送细路返学，又会陪对方出埠开工，非常恩爱！

 

刚过去的端午节，Kenneth一家五口就搭缆车到山顶睇风景，玩咗大半日3个小豆丁都攰晒，于是两公婆就先送仔女返浅水湾大宅，安顿好后，再于下午4时许到寓所附近买外卖。一身街坊装、带上口罩的二人拎住个红色「吉祥如意」环保袋，入咗去一间平民中餐厅买粥粉麵饭，人均消费都唔使100蚊，非常Down to earth。虽然间舖距离屋企都係2分钟路程，但Kenneth都坚持陪郭晶晶去拣餸，真係好鬼冤气；睇完餐牌点好菜后，郭晶晶就企出门口等老公畀钱，Kenneth望望手錶见仲有时间剩，便尾随太太到隔离行超市。

 

Kenneth陪住太太乜都睇吓，睇完饼乾又睇汽水，两人还驻足研究清洁用品，前者喺Family Time都冇揿电话，全程投入做「跟得老公」，傍实郭晶晶又畀吓意见，睇得出Kenneth都享受呢种平凡夫妻生活。最终两人都係斋睇冇帮衬，以为霍氏伉俪会折返拎外卖，殊不知二人竟直接返屋企；上到楼后，沐鸣安卓版APP下载郭晶晶就同妈咪一齐挨喺窗边一路倾偈一路望住对面街，心情相当唔错。大约半个钟后，其家佣就落楼帮手拎大袋外卖回家，终于可以开餐。