男子组合ERROR虽然行搞笑骑呢路线，但冇乜人争饭食，就算喺疫情下都有广告拍，成功杀出一条新血路。而最近上映的电影《冥通银行特约：翻生争霸战》係ERROR处男作，片中饰演「阴间摄製队」，虽然戏份唔多，但相当抢戏，193仲笑言：「拍完电影后好似『升呢』电影明星。」肥仔认同话：「我哋返唔到转头！」採访：方骞平 化妆：Circle Chong @ Annie G. Chan Makeup 髮型：Lydia Yung @ Chic Private I Salon 场地：Kowloon Party Room

 

电影《冥通银行特约：翻生争霸战》係ERROR出道仅3个月时的作品，首次拍戏的4人超级开心，沐鸣iOS版APP下载保錡更说：「希望有更多人搵我哋casting，唔使casting都得，我哋可以直接入戏。」

 

成套戏只曝光十几秒

 

193自爆就算客串拍《翻生》，背后付出好多：「我哋对足10几个钟头戏，谂住一roll机可以即嚟，只可惜第一日开工因为天雨，等足8个钟最后取消。」肥仔话，喺等待期间我哋试咗几个唔同演出版本畀导演拣，希望展现到4人嘅唔同风格，点知导演唔接纳，最后只係出得十多秒！阿Dee笑言唔紧要：「今次学识咗喺片场，沐鸣iOS版APP下载每秒都係钱嚟，要尊重规则，一埋位就准备充足可以演出。」

 

点解搵ERROR做串星？保錡尝试揭开迷思：「导演话睇完我哋嘅牙膏广告，听闻我哋係有名嘅YouTuber，但我哋唔敢认呀…其实我出道前经已有戏拍，尤其演超多黑社会『茄哩啡』，因为係金毛，命中机会好高，特约演员有800蚊酬劳，《鸭王2》入面我做Bartender要衝出去打人；而阿Dee都拍过《鸭王》、《同囚》等，《鸭王》中佢做主角嘅好朋友，好似傻仔咁俾人打！」阿Dee接住说：「其实我同保錡可以担正黑社会戏。」保錡提议再有机会拍戏嘅话，可以开套「ERROR日记」，一定做到低budget，高收视：「好似多年前由黄霑做VO嘅记录片《大咸湿》咁，我哋可以翻拍真人Show《大ERROR》，录影我哋嘅私生活。」阿Dee却唔同意：「我偏向拍古装，好似现代金装四大才子咁，拍我哋4个点样去搵大钱？希望金主畀600万支持我哋开呢套戏。」保錡却一嘢打沉他说：「有600万嘅话我折现算嘞。」