关宝慧最近相隔20年再参与TVB剧《使徒行者3》，饰演警务处助理处长「Madam Chan」，她坦言既新鲜又好玩，同一班演员合作愉快望有机会可以再多拍剧集。去年成为舞台剧后的她，因疫情令工作计划惨被打乱，幸好早已学识积穀防饥，经济未受影响，仲趁这段时间努力装备好自己。採访：杜淑霞 髮型：Zanki by I hair. Nail 服装：Mountain Yam

 

不经不觉，宝慧对上一套参演的TVB剧已是2000年的《无头东宫》，沐鸣软件下载所以对于重返娘家感觉相当新鲜，「今次除咗江美仪喺电影合作过外，全部对手都冇合作过，录影厂都係第一次去开工，係好有新鲜感，但一埋位以前嘅感觉就返晒嚟。」她又大讚一班新拍档相当专业，「佢哋真係好优秀，记好晒对白先入厂，试过拍10场都係开会戏，我两日前开始背，到揸车返工都喺度背紧，如果我记得咁辛苦，其他接嗰啲人唔记对白嘅话，我就真係濑嘢㗎！」

 

 

逆境下转危为机
 

宝慧去年凭舞台剧《她妈的葬礼》夺得第28届香港舞台剧奖的最佳女主角（喜剧/闹剧），可惜遇上疫情令她表演工作停摆，「係有少少遗憾，冇计啦！全世界都係咁，不过真係好难讲，如果畀我早几年攞奖嘅，一样唔知会係点啫！所以无论係逆境定疫情，边个疫都好啦！永远要准备好自己，所以我成日都减肥㗎！咁嘅年纪自己唔keep唔锻鍊好自己，好易走样嘛！」不过宝慧反而觉得可以转危为机，「我趁呢段时间写吓剧本，呢个係疫情下希望完成嘅功课。」

 

虽然工作买少见少，宝慧庆幸早已有稳定投资，疫情下经济未受影响，沐鸣平台挂机软件下载「如果我之前唔係积穀防饥，我坐喺屋企就膝头撨眼泪！入行前已识谂，如果我要好辛勤打几份工嚟养家，根本唔会入行，呢行太冇安全感，三更穷五更富，要靠自己畀安全感自己，几十年前已经同自己讲花冇百日红，香港有几多个张曼玉、锺楚红、梅艳芳同林青霞，你要预去唔到佢哋咁样要咩玩法啦！」