人气男团MIRROR话咁快出道两周年，更推出新歌兼同名唱片《One and All》庆祝。论人气MIRROR向来好劲，单飞的姜涛和Ian更双双入围叱咜「我最喜爱男歌手」最后五强，他们对年底颁奖礼都好有期待，10子接受《头条》专访，Jeremy更开到口话恨攞组合奖。受疫情影响，沐鸣安卓版APP下载MIRROR第二个演唱会拖足成年都搞唔成，他们都想快啲现场表演畀歌迷睇，更焗阿Jer即场大晒搞笑舞姿。讲到最近热播的《全民造星III》，他们一样睇到好肉紧，认为今年赛制更加残忍，Edan笑言：「好彩自己唔使玩呢一季咋！」撰文：杜淑霞 摄影：张咏森 髮型： Lydia Yung、Man Cha、Leo Fan@Chic Private I Salon 化妆：Rainbow&Giann @Annie G.Chan Makeup Centre 服装：D Mop
 

上月MIRROR正式出道两年，队长Lokman话要出新歌《One and All》贺吓，「生日嘛！梗係搵啲嘢搞吓，新歌点解讲兄弟情呢个topic，係因为（疫情）耐冇见，试吓用呢隻歌集合吓大家嘅能量，个MV亦都係特登咁样设计，想记得返大家之前嗰度力，同埋团结一心，呢首歌就係集合返大家嘅团结。」

 

製作新歌期间，队员姜涛、Anson Lo和Stanley正在台湾拍剧，唯有越洋录音，Anson Lo和Stanley认为过程分别不大，因监製Edward Chan花了不少心机跟他们沟通。此时Anson Lo对Stanley话，「你晚晚都唱歌。（Stanley：你都係！）」记者追问唱咩歌时，Anson Lo忽然变怕羞丑仔避答，Stanley即解释：「因为我哋想唱歌唱得好啲、进步啲，每晚会互相唱3首歌俾对方听，係练习嚟嘅。」被认为唱功不够好的两人，私底下有努力下苦功，几抵讚！

 

讲到生日愿望及目标，队长Lokman坦承有两个目标好想实现，「最希望我哋album可以大卖啦！推到我哋去做金唱片，呢个係第一个目标；第二个目标係下年如果疫情好返啲，我哋可以开演唱会，做个live嘅演唱会畀大家睇，因为大家都真係技痒㗎！大家都身痕，好想表演，好想见吓啲fans，大家可以有多啲交流最希望就係呢两样。」颁奖礼举行在即，Jeremy就话：「我希望下年呢个团队可以攞到奖，今年下年都好，希望可以有个奖去鼓励吓大家，我哋做紧嘅嘢係得到大家嘅支持。（攞咩奖？）组合奖啦！其实咩奖都好啦！」

 

到阿Jer讲时，平日在队中跳舞唔算标青的他竟然话：「我想快啲跳舞喎！」这句一出，全场即起哄，记者话畀1分钟阿Jer跳舞Solo，他即缩沙，「骨头硬，真係跳唔到！」Edan忍唔住，「真係帮你唔到！」大家再次鼓掌焗阿Jer跳舞，沐鸣安卓版APP下载花姐见场面失控即主持公道话：「Jer起身跳啦！」阿Jer在AK和Alton教路后，起身以似摆甫士多过跳舞搞笑舞姿找数，全场笑爆！事后副队长AK帮手解画：「MJ有个好经典嘅动作，就係企嗰个台乜都唔郁，你（阿Jer）郁几吓已经好有型啦！」Stanley亦帮拖，「因为跳舞叻嘅人，唔係动作係气势，佢做到晒出嚟！」阿Jer再解释因为早前上节目发现跳舞生疏咗，想多点跳舞练习。

 

讲到最近热播的《全民造星III》，他们大讚参赛者表现出色，Alton说：「我好respect佢哋一样嘢，佢哋参加呢个节目係孭多一个包袱，我哋参加《造星》时冇嘢输，但佢哋企喺呢个舞台嘅时候仲要话俾人知，我哋已经出道咗几耐，但係可能都冇人识或者去唔到自己心入边想嗰个位置，节目有一句话係好恐怖『呢一行係摧残好多人嘅梦想，因为话畀你听唔得，呢件事残酷得嚟如果可以成功嘅话，就真係好珍贵啦！』睇到佢哋令我更加珍惜而家拥有紧嘅嘢。」Edan再说：「我哋好好彩玩《造星I》，我哋冇公司嘅，如果睇咗两年先去参加，今年就冇得参加啦！」其他人即笑指，「唔使㗎！有工作室就得㗎啦！哈哈！」他们又评今年赛制，Edan笑说：「今年赛制好残忍，好彩自己唔使玩呢一季咋！」Frankie仲话好多表演上两季都做过，今年再度表演加倍困难。