余迪伟最近变身「Ginger Queen」主持网台爱情节目《够薑•卜一卜》，沐鸣软件下载每集节除了有不同爱情主题，跟另一主持搭罗师Sandy一齐讨论，之后会接听观众来电，解答爱情中的各式各样难题。迪伟以「Ginger Queen」华丽造型接受《头条》访问时，坚称并非迪伟，仲话自己靓过对方好多，又话不知自己真正性别，但反而更能分析跨越性别界限的爱情观，相当搞鬼。撰文：杜淑霞 场地：帝乐文娜公馆

 

首先问「Ginger Queen」性别，他竟然话：「其实我觉得冇所谓，自己都唔知，雌雄同体都冇问题。」谈到跟迪伟关係，「Ginger Queen」直指同对方唔多熟，「我哋识咗10年啦！佢根本摸唔清我个底，因为我喺佢人生里面突然间先出现。（今次做主持有冇问迪伟意见？）我冇喎！我觉得我好有信心，唔需要佢嘅意见。」

 

自称跟男女也有拍过拖的「Ginger Queen」就直言来者不拒，「两样都有，我来者不拒嘅，所以我好多经验，男男女女嘅经验我都有，我喺呢方面係专家，帮人解决到疑难，畀到意见大家。」他更表示观众不怕他太mean，更有人专登打来给他闹，「有啲人係锺意畀人闹醒，有啲观众係专登打嚟话叫我闹醒佢，有啲人畀阿爸阿妈或者好朋友闹都係唔得，係要畀个三九唔识七闹好哋哋嘅，人有时就係咁犯贱，我就係要捉住呢个犯贱心理，底蕴係要帮到佢哋。」

 

虽然「Ginger Queen」自称初出道，但问到跟迪伟比较谁做主持较出色，他即相当唔客气话：「梗係我啦！仲使问嘅！我唔係话佢唔得，佢做得唔错嘅，喺佢10几年嘅广播生涯，我都有听嘅，佢嘅优点係睇事情睇得好通透，但喺爱情方面冇我睇得咁通透，因为佢成日比较一面倒咗，我嘅优点係比较平衡到两面啲，因为我两性都熟识，同埋做爱情节目嘅主持，係要抽离啲去睇，当你拉濶啲，所有事情睇法都好唔同。」

 

「GingerQueen」在每集节目都以不同华丽造型现身，靓衫共花了六位数度身订造外，原来他事前做了护肤和健身，还努力劲减超过10磅配合造型，「平均每次都要整两个钟装身先可以出镜，但好彩我有自己团队帮手，沐鸣平台挂机软件下载但好似今日呢个头饰好重，係一个好恶嘅鹿角嚟，因为『Ginger Queen』比较寸同恶，所以我拣咗呢个造型嚟做访问，无论用咩方法都要戴，就算可能会扯甩晒我啲头髮，我都会照戴。（有冇畀迪伟睇？）畀咗相佢睇，佢话OK啦！仲话佢着靓啲，我话冇可能囉！一定係『Ginger Queen』靓啲，因为我嘅妩媚，迪伟係冇嘅，佢受唔到呢啲妆，我啲皮肤同身形都靓过晒佢，佢行开啦！佢想搞都搞唔到，天生丽质嘅嘢，边有得整嘅啫！」