本周香港乐坛再成热话，上年度最后一个颁奖礼《Chill Club》日前圆满落幕，除林家谦夺6奖成大赢家，MIRROR及成员亦共夺8奖，当中阿Jer（柳应廷）除凭歌曲《迴光物语》打入十大，沐鸣手机app再得新人奖，连同叱吒、新城同港台夺奖，成为乐坛新人王。不过阿Jer成绩唔係每个人认同，曾被质疑「你係乜水唔识你呀！」不过他睇得好开，仲觉得新人有人唔识好正常，唯冇靠音乐证明实力。早前阿Jer唱《乐坛已死》中「香港歌手不会死」一段，被指带起乐坛革命，阿Jer承认得奖后「有使命去做多啲嘢」，既然MIRROR多人注意，要令更多人留意香港乐坛，睇番颁奖礼，听多啲广东歌。
 

《Chill Club》颁奖礼得奖后，阿Jer向《头条》讲感受，「今年成绩好好，自己好开心，有好多係意想不到。上年做《物语》三部曲纯粹为音乐meaning，冇谂过攞啲咩奖，得到大家支持同鼓励，係好开心嘅，奖项只係bouns，最紧要嗰三首歌曲畀到力量唔同朋友，嚟紧目标都係再做多啲好歌，畀多啲能量大家，或者将一啲新朋友带入嚟畀大家欣赏，好似同我合作新歌《狂人日记》嘅吴林峰，佢本身係个好好唱作人，希望大家关注我哋同时，都关注香港新一代音乐人，佢哋每位都好畀心机去做，佢哋嘅音乐好值得被关注，希望乐坛可以百花齐放，大家都睇番颁奖礼，听番广东歌，支持番我哋广东歌乐坛啦！」

 

早前有指「乐坛已死」，音乐人王双骏、小克和吴林峰即创作歌曲《乐坛已死》反击，更搵来新一代歌手大合唱，去年得奖后曾被质疑的阿Jer亦有份献声，他认为演绎时没想太多，但确实很想推动广东歌乐坛进步，「「我上年做完《物语》系列后，去到年尾大家都话『你係乜水呀！唔识你呀！』我不嬲觉得自己係新人，有人唔识係好平常，我咪尽力做好我嘅作品，令到多啲人认识我。去到上年出咗《乐坛已死》呢首歌，我唱完『香港歌手不会死』大家都话『Jer，你好似带起咗个乐坛革命，沐鸣手机版下载你令到大家听番广东歌，你好劲！有个使命感！』我去做呢件事时过程又冇谂咁多，呢首作品Carl叔叔（《乐坛已死》监製王双骏）好想我喺嗰个位出现，我咪做囉！但都想慢慢推动到广东歌乐坛再进步，多啲人去留意番，呢个一路係我做歌嘅宗旨！想将更多元素音乐带入广东歌度，呢样我冇变过。」有人形容将会是MIRROR时代，阿Jer坦承得奖后多了份使命感，加上MIRROR人红更应该为乐坛出多分力，「既然MIRROR每位成员都咁多人留意，我哋都有个使命去推动一啲嘢，例如香港里面有好多创作歌手都好好，希望大家了解MIRROR之外，去尝试接触其他音乐，自己觉得有呢个使命，身边我觉得有Talent嘅朋友尽量会搵佢哋合作。」

 

 

虽然已贵为乐坛新人王，但阿Jer製作新歌《狂人日记》时也有一定压力，「我初头有嘅，我製作完呢首歌准备出街嗰个礼拜，成班製作人话唔知首歌反应点，始终係首比较新音乐类型嘅歌曲，大众口味未必会接受，过咗两个礼拜，大家反应係『阿Jer你做到首咁正嘅歌』慢慢个信心提升咗，自从上年我经过咗颁奬礼，《物语》系列后，对自己音乐製作係大信心咗，无论係舞台上表演，同埋去演绎歌曲。我将自己锺意听嘅音乐摆喺我嘅歌曲度，原来大家都锺意，经过咗《狂人日记》我更加放胆去做自己想做嘅音乐，我唔会理大众锺唔锺意听啦！我淨係做我自己锺意嘅音乐。」讲到製作新歌《狂人日记》，阿Jer劲兴奋大讚製作过程超好玩，当中飙高音被乐迷认为够晒癫，原来是他录音时神来之笔，「写呢首歌嘅时候冇话一定要我骚唱到几多高音，但尾句有个高音，我录音时feel free加落去，呢个位嚟一个高音，咁先够癫嘛！横跨16度喎！但以为好狂嘅时候，去到呢段我就静落嚟，你就捉我唔到啦！」